لأصحاب المحلات والبيجات
وصّل عرضك لزبائن الموصل
لقطة يجمع عروض المدينة بمكان واحد. انشر عرضك، والزبون يضغط ويوصل مباشرة لواتسابك أو صفحتك.
عندك حساب؟ ادخل لبوابتك
👋 لقطة مشروع موصلي سوّاه طالب من الموصل، حتى يساعد محلات مدينته توصل لزبائن أكثر بسعر بسيط. نشتغل ويا كل محل بنفسنا، وإذا عندك سؤال نجاوبك مباشرة.
شلون يشتغل؟
1
أرسل عرضك
صورة المنتج، السعر قبل وبعد، ورابط صفحتك أو رقم الواتساب. تاخذ دقيقتين.
2
نراجعه وننشره
نتأكد أن العرض واضح وحقيقي، ثم يظهر في الموقع لكل الزوار.
3
تشوف النتيجة
من بوابتك تشوف بأي وقت كم شخص ضغط «اطلب العرض» ووصل لك، ونهاية الشهر نرسلك الإحصائية.
شنو تستفيد؟
🎟 كود لقطة: تعرف الزبون اللي جاك منّا
تحدد ميزة صغيرة (خصم إضافي، هدية، توصيل مجاني) لمن يقول الكود. الكود يطلع بصفحة عرضك وينكتب تلقائياً برسالة الواتساب اللي توصلك، فتعرف بالضبط كم زبون جاك من لقطة.
📊 أرقام صادقة بأي وقت
بوابتك تبيّن النقرات لآخر 7 أيام و30 يوم. كل شخص ينحسب مرة وحدة، والروبوتات ما تنحسب.
📍 محلك على الخريطة
ضيف موقع محلك، والزبون يشوفه على الخريطة ويوصل بالاتجاهات بضغطة.
✏️ تتحكم بعروضك بنفسك
تضيف عرض، تعدّله، أو توقفه من بوابتك وبأي وقت، بدون ما تنتظر أحد.
الباقات
🎁 أول شهر مجاناً لكل محل (3 عروض) — بدون دفع وبدون التزام. تشوف النتيجة بعينك ثم تقرر.
الباقة الأساسية
6,000 د.ع / شهر
يعني 200 دينار باليوم تقريباً
- ✓ 3 عروض بنفس الوقت، منشورة طول الشهر
- ✓ تغيّر عروضك وقت ما تريد
- ✓ تظهر بفلتر منطقتك وفئتك
- ✓ كود لقطة وإحصائية النقرات
🔥 VIP
15,000 د.ع / شهر
يعني 500 دينار باليوم تقريباً
- ✓ كل مميزات الأساسية
- ✓ 6 عروض بدل 3
- ✓ عروضك مثبّتة بأعلى الموقع
- ✓ إطار ذهبي وشارة «عرض مميز»
الدفع شهري عبر زين كاش، وبدون تجديد تلقائي. التفاصيل في الشروط.
أسئلة متكررة
شلون تحسبون النقرات؟
كل شخص يضغط «اطلب العرض» ينحسب مرة واحدة. الضغط المتكرر من نفس الشخص والروبوتات ما تنحسب، حتى يبقى الرقم صادق.
شنو يصير بعد الشهر المجاني؟
نرسل لك الإحصائية وتختار: تكمل بإحدى الباقتين أو توقف. إذا ما تجدد، العرض ينرفع من الموقع وما عليك أي مبلغ.
أكدر أغيّر العرض خلال الشهر؟
نعم، من بوابتك وبأي وقت: تضيف عرض جديد أو تعدّله أو توقفه. العرض الجديد يظهر بعد ما نراجعه.
شنو هو كود لقطة؟
كود خاص بمحلك. تحدد ميزة صغيرة لمن يقوله، والكود يوصلك تلقائياً برسالة الزبون على الواتساب، فتعرف كم زبون جاك من لقطة مو بس كم واحد ضغط.
عندي بس صفحة إنستغرام، يصير؟
يصير. الزبون يضغط ويتحول مباشرة لصفحتك أو لواتسابك.
جاهز تنشر أول عرض؟